Məşhur futbolçudan humanitar dəstək: 250 min dollar ianə
Braziliya millisinin və Santos FC klubunun hücumçusu Neymar Venesuelada baş vermiş zəlzələdən zərərçəkənlərə yardım məqsədilə 250 min dollar ianə edib.
Ölkə.az xəbər verir ki, bu barədə "Lance" nəşri məlumat yayıb.
Bildirilib ki, ayrılan vəsait ərzaq məhsullarının paylanmasına, zərərçəkənlərin içməli su ilə təmin edilməsinə, dərman vasitələrinin alınmasına və müvəqqəti sığınacaqların tikintisinə yönəldiləcək.
Xatırladaq ki, Venesuelada güclü zəlzələ iyunun 24-də baş verib. Son məlumata görə, təbii fəlakət nəticəsində həyatını itirənlərin sayı 1719 nəfərə çatıb.
Həmidə İbrahimova
