Aziz Yıldırımın evində qadın meyiti tapıldı
“Fənərbağça” klubunun prezidenti Aziz Yıldırımın Beykozdakı evində bədbəxt hadisə baş verib.
"Ölkə.az" xəbər verir ki, bölgədə bərbər kimi çalışan Derya Gündoğdu Aziz Yıldırımın qızına manikür və pedikür xidməti göstərmək üçün evlərinə gedib.
Gündoğdu evdə olduğu vaxt pisləşib. İlkin məlumata görə, onun pilləkənlərdən çıxarkən yerə yıxıldığı və daha sonra hərəkətsiz qaldığı müəyyənləşib.
Hadisə ilə bağlı ünvana polis əməkdaşları cəlb olunub. Evdə araşdırma aparan hüquq-mühafizə orqanları təhlükəsizlik kameralarının görüntülərini incələyib.
Qeyd edək ki, Derya Gündoğdunun dəqiq ölüm səbəbi aparılacaq ekspertizadan sonra məlum olacaq.
