"Sən tarixin ən yaxşı oyunçususan..." - Turan PSJ-yə qarşı oyunda Messini necə motivasiya edib?
"Barselona"nın keçmiş yarımmüdafiəçisi Arda Turan əfsanəvi 2017-ci il Çempionlar Liqasının 1/8 final mərhələsinin PSJ-yə qarşı (6:1) cavab oyununun təfərrüatlarını xatırladıb.
Ölkə.az bildirir ki, Türkiyə millisinin keçmiş futbolçusunun sözlərinə görə, oyunun vacib anında o, Lionel Messini motivasiya etməyə çalışıb:
"3-0 hesabı ilə öndə olduğumuz və PSJ-dən qol buraxdığımız zaman Luis Enrike məni İnyestanın yerinə meydana çıxardı. Kapitan sarğısını ona vermək üçün Lionel Messinin yanına getdim və dedim: "Sən tarixin ən yaxşı oyunçususan. 30 dəqiqə qalıb və bu müddət ərzində üç qol vura bilərik - təslim olmayaq".
Bütün dövrlərin ən böyük futbolçusu ilə birlikdə oynamaq böyük şərəf idi".
Edinson Kavaninin qolundan sonra ümumi hesab 3-5 olub və katalonlar növbəti mərhələyə keçmək üçün üç qol vurmalı olublar. Nəticədə Luis Enrikenin komandası 95-ci dəqiqədə həlledici qolu vuraraq tapşırığı yerinə yetirib.
