"Sabah" UEFA Çempionlar Liqasında II təsnifat mərhələsinə vəsiqə qazandı
Ölkə.az xəbər verir ki, Valdas Dambrauskasın baş məşqçisi olduğu kollektiv I təsnifat mərhələsinin cavab oyununda Uelsdə TNS komandası ilə üz-üzə gəlib.
Qarşılaşma "bayquşlar"ın qələbəsi ilə yekunlaşıb - 1:2.
28-ci dəqiqədə Coy-Lens Mikels, 42-ci dəqiqədə Rəhman Daşdəmirov fərqlənib. Rəqibin heyətində 89-cu dəqiqədə Coş Lok təsəlli qolunun müəllifi olub.
Beləliklə, Bakıdakı görüşdə rəqibini iki cavabsız qolla üstələyən "Sabah" II təsnifat mərhələsinə vəsiqə qazanıb. Ölkə çempionu bu raundda "Kups"la (Finlandiya) münasibətlərə aydınlıq gətirəcək.
***
“Sabah” UEFA Çempionlar Liqasının I təsnifat mərhələsində cavab oyununa çıxır.
Ölkə.az xəbər verir ki, Azərbaycan təmsilçisi səfərdə Uels çempionu TNS ilə qarşılaşır.
Osvestri şəhərində yerləşən “Park Hall” stadionunda keçirilən görüş Bakı vaxtı ilə saat 21:30-da başlayıb. Matçı İspaniyadan olan baş hakim Mateo Buskets Ferrer idarə edir.
Qeyd edək ki, komandalar arasında Bakıda keçirilən ilk oyunda “Sabah” 2:0 hesablı qələbə qazanıb.
Bu cütün qalibi II təsnifat mərhələsində “Vardar” (Şimali Makedoniya) – “KuPS” (Finlandiya) cütünün qalibi ilə üz-üzə gələcək.
