“Qarabağ” ÇSKA-ya qarşı - Oyun bu saatda başlayacaq
Ağdamın “Qarabağ” klubu bu gün UEFA Avropa Liqasında növbəti oyununu keçirəcək.
Ölkə.az xəbər verir ki, “köhlən atlar” turnirin II təsnifat mərhələsinin ilk oyununda, Bakıda Bolqarıstanın ÇSKA (Sofiya) kollektivini qəbul edəcək.
Qarşılaşma Tofiq Bəhramov adına Respublika stadionunda, saat 20:00-da start götürəcək. Matçı italiyalı FIFA referisi Daniele Kiffi idarə edəcək.
Xatırladaq ki, komandalar arasında cavab matçı iyulun 30-da Sofiya şəhərində baş tutacaq.
