Dünya futbolunun əfsanəsi işdən qovuldu - Rusiya ilə əlaqələrinə görə
Dünya futbolunun əfsanəsi və 2006-cı il dünya çempionatının qalibi Andrea Pirlo Rusiya ilə əlaqələri səbəbindən İtaliya millisindən qovulub.
Ölkə.az “La Gazzetta dello Sport”a istinadən xəbər verir ki, o, İtaliya milli komandasının baş məşqçisi vəzifəsinə iddialı olub.
Lakin A.Pirlonun təyinatı İtaliya Futbol Federasiyasının prezidenti tərəfindən bloklanıb. Buna keçmiş futbol ulduzunun Rusiya bukmeker şirkəti ilə əlaqəsi səbəb olub.
Rusiya bukmeker şirkəti ilə əməkdaşlığının bir hissəsi olaraq, Pirlo “Spartak” və “Krasnodar” arasında keçirilən Rusiya Kuboku Superfinalını izləyib. Onunla birlikdə 2006-cı il dünya çempionu Marko Materatsi də olub, lakin o, bu hərəkətinə görə üzr istəyib.
Hazırda idman direktoru vəzifəsini icra edən Paolo Maldini də milli komandadan ayrılmağa hazırlaşır. O, bu vəzifəyə 16 gün əvvəl təyin olunub.
Mürtəza
