\"İnter\"in baş məşqçisindən Azərbaycana hörmətsizlik

Futbol üzrə Azərbaycan çempionatının son turunda "Qəbələ" ilə qarşılaşan "İnter"in gürcü baş məşqçisi Zaur Svanadze yenidən diqqət mərkəzinə düşüb.

Ölkə.az xəbər verir ki, gürcü mütəxəssis bu dəfə jurnalistlərin son günlər cəbhə xəttində baş verənlərlə bağlı sualını "bu şeylərin mənə dəxli yoxdur, siyasətə qarışmıram" deməklə cavablandırıb.

Svanadzenin bu hərəkəti sosial şəbəkələrdə müzakirə mövzusuna çevrilib. Bildirilir ki, komanda Bakıya qayıdandan sonra bəzi futbolçular da baş məşqçiyə etiraz ediblər. Ancaq o, "yaxşı etmişəm, özüm bilərəm" deyib. Məsələnin maraqlı tərəfi budur ki, klubun azərbaycanlı prezidenti Rəşad Qasımov da Svanadzeyə haqq qazandırıb.

Xatırladaq ki, Svanadze uzun illərdir Azərbaycanın çörəyini yeyir. O, uzun müddət "İnter"də Kaxaber Tsxadadzenin köməkçisi vəzifəsində çalışıb.

İntiqam VALEHOĞLU
Ölkə.az