Berti Foqts: "Mən getmək qərarı verdim"

Millimizin baş məşqçisi Berti Foqts sabah baş tutacaq Avropa çempionatının seçmə mərhələsinin Xorvatiya ilə görüşü öncəsi mətbuat konfransı keçirib. Almaniyalı çalışdırıcı öncə qarşılaşma ilə bağlı ümumi fikirlərini bildirib.

- Xorvatiya ilə oyunda xal qazanmaq üçün daha çox şansımız var?
- Mən Braziliya və Meksikaya qarşı onların oyununu izləmişəm. Komandama rəqibə qarşı oynamaq çətin olacaq.

- İtaliya ilə oyundan sonra komandada bərpa prosesi necə gedib?
- Matçdan sonra bərpa prosesi keçdik. Bu gün 1 məşq oldu. Əlimizdən gələni edəcəyik ki, yaxşı mübarizə aparaq. Xorvatiya yığması belə bir hala öyrəşib. Onlar Avropanın top komandalarında çıxış edirlər. 2 gündən bir oyun keçirə bilirlər.

- İtaliyadakı oyundan 2 gün ötüb. Palermoda xal almaq üçün bizə nə çatmadı?
- Biz həmin oyunda 2 kobud səhvə yol verdik. Belə komandalar bu cür kobud səhvləri bağışlamır. Bunu Bolqarıstana qarşı da elədik. Təcrübə baxımdan belə səhvlərə yol verməməliyik.

- Sabahkı oyuna xüsusi hisslərlə hazırlaşırsınız? Çünki 1998-ci ildə Xorvatiya ilə oyun sizin son rəsmi matçınız idi...
- 1998-ci ildə bizim Xorvatiyaya qarşı oyunumuz olub. 22 il Almaniya Futbol Federasiyasında çalışmışdım. Ona görə mən ordan getmək qərarına gəldim.

- Son dəqiqələrdə və standart vəziyyətlərdən top buraxırıq. Bunun üzərində iş gedirmi?
- Bolqarıstan və İtaliya ilə oyunlarda son dəqiqələrdə top buraxmışıq. Bunu mən 7 il ərzində düzəldə bilmərəm. Bu klublarda həll olunmalıdır.

- Kamran Ağayev qələbə qazana biləcəklərini bildirib...
- Hər bir insanın öz istəyi olmalıdır. Futbolda hər şey mümkündür. Biz İtaliya və Bolqarıstanla matçlarda xal qazanmağa yaxın olmuşuq...

- İtaliya ilə oyundan öncə keçirilən mətbuat konfransında belə oyunlardan dərs çıxarmalı olduğunuzu demişdiniz. İndi hansı dərsləri çıxartdınız ki, Xorvatiya ilə oyunlarda bu bizə kömək ola bilər?

- Biz daha çox hücumameylli oynamalıyıq. Standard vəziyyətlərə daha çox diqqət ayırmalıyıq. Həmçinin hücumlar zamanı rəqib qapıçısına daha yaxın olmalıyıq.

- Millətlər Liqasına münasibətiniz necədir?
- Hələ bu barədə qərar qəbul edilməyib. Belə olsa, bu haqda sizinlə danışaram. Sankt-Peterburqda baş məşqçilər arasında keçirilən FİFA-nın konqresində bu elə söhbət olmadı. (apasport.az)