"Qarabağ"ın oyunu və "qara bazar"dakı bilet təlaşı

Artıq klublarımızın və milli komandamızın oyunlarından əvvəl biletlərin "qara bazarda" satılması adi hala çevrilib. Hər dəfə də "buna qarşı mübarizə aparılacaq", "biletləri qara bazara çıxaran möhtəkirlər cəzalandırılacaq" deyilsə də, deyilənlər elə söz olaraq qalır.

Sabah Ağdamın "Qarabağ" klubu Avroliqanın qrup mərhələsində ilk oyununa çıxacaq. Oyuna azarkeşlərin marağı kifayət qədər yüksəkdir, ancaq bilet məsələsi ciddi problemə çevrilib. Qiyməti 3 manata olan biletlər kassalarada 5 manatdan satılır. Biletlər alverçilər tərəfindən kassadan 2-3 manat bahsına alınıb və üzərinə 3-5 manat qoyularaq azarkeşlərə satılır.

Bilet alarkən problemlə qarşılaşan azarkeşlər Ölkə.az-a  bildiriblər ki, qiyməti 3 manata olduğu halda 13,14,15,16-cı sektorda olan yerlərə biletlər alverçilərə 7 manatdan, 8, 9,10, 17,18,19-cu sektora olan biletlər isə 5 manatdan satılır. Alverçilər isə 13, 14, 15, 16-cı sektora olan biletləri 10-12 manata, 8,9,10, 17,18,19-cu sektora olan biletləri isə 7-8 manata satırlar.

İlkin adlı azarkeş bildirdi ki, kassaya yaxınlaşıb 13-cü sektora bilet istədim, kassada əyləşən işçi biletin qiymətinin 5 manat olduğu bildirdi. Deyəndə ki "bu biletin qiyməti 3 manatdır, niyə 5 manata satırsız?" kassa işçisi bildirdi ki, "xoşun gəlmir get alverçilərdən al".

Çox maraqlıdır, kassaların yanına polis qoyublar ki, "qara bazara" çıxan biletlərin qarşısını alsınlar, ancaq hər şey polisin gözü qarşısında baş versə də polis heç bir tədbir görmür, bəs bu işləri tənzimləməli olan orqanlar hara baxır?

Səxavət Məmməd

Ölkə.az