Güləşçilərimiz finala çıxdı

Özbəkistanın paytaxtı Daşkənddə keçirilən güləş üzrə dünya çempionatının ikinci günü sərbəst güləşçilərimiz üçün uğurlu alınır. 

Ölkə.Az “Qafqazinfo”ya istinadən xəbər verir ki, artıq iki güləşçimiz, Hacı Əliyev (61 kq)  və Xetaq Qazyumov (97kq) bütün rəqiblərini məğlub edərək finala adlayıblar. Hacı Əliyev yarımfinalda kubalı güləşçi Yovlis Bonneni 4-2, Xetaq Qazyumov isə ukraynalı Valeri Andreytsevi 5-1 hesabı ilə məğlub edərək finala yüksəlib. Hər iki güləşçimiz minümum gümüş medalı özləri üçün təmin ediblər. 

Qeyd edək ki, finalda Hacı Əliyev iranlı güləşçi Məsud Mahmud Esmailpurjuybari, Xetaq Qazyumov isə rusiyalı Abdusalam Qadisovla mübarizə aparacaq.