Baş redaktorlar hansı komandaya azarkeşlik edir?
Simsar.az-ın redaktoru Elmar Hüseynov: “"Araz Naxçıvan"a azarkeşlik edirəm. Ötən il "Nəqşicahan" Fan Klubunun İdarə Heyətinin üzvü olmuşam. Avropada "Qarabağ" klubunun uğurları məni daha çox sevindirir. Arzu edirəm ki, gələcəkdə bütün klublarımız "Qarabağ" kimi oynaya bilsin...”
Musavat.com saytının baş redaktoru Xalid Kazımlı: “Əslində mən sovet vaxtı "Neftçi"nin azarkeşi olmuşam. O da ona görə ki, o zamanlar "Neftçi" Azərbaycanın yığma komandası kimi bir şey idi. Amma müstəqillik dövründə hansı komanda bu funksiyanı daşıya bilirsə, ona azarkeşlik edirəm. Son illər "Qarabağ" adımızı dünyaya duyurur, ona görə də bu saat təkcə mən yox, milyonlarla insan "Qarabağ"ın azarkeşidir və bu təbiidir”.
Avropa.info-nun baş redaktoru Ruslan Bəşirli: “Qarabağ, Qarabağ. Qarabağın oyununu izləmək üçün hətda Kiyevə getdim...”
Azvision.az-ın baş redaktoru Vüsal Məmmədov: “Heç birinə... Ailəmiz ənənəvi olaraq "Neftçi"nin azarkeşidir, ortancıl qardaşım bu klubun himnini yazıb, kiçik qardaşım isə ifa edib. Ona görə də, arada onlara qoşulub "Neftçi"yə azarkeşlik etdiyim olur. Amma özüm ciddi olaraq heç bir klubun azarkeşi deyiləm”.
Karabakhinfo.com-un baş redaktoru Zaur Qəriboğlu: “Mənim futbola umumiyyətlə marağim yoxdur. Yegane azarkeşi oldugum bir komanda var o da Qarabağdır...”
Axar.az-ın baş redaktoru Anar Niftəliyev: “Qarabağa...”
Azadlıq qəzetinin baş redaktoru Qənimət Zahid: “Təəssüf ki, futbola baxmıram...”
Qhtxeber.az-ın baş redaktoru Sənan Nəcəfov: “Mən sovet dövründən futbola azarkeşlik edirəm. Təbii ki, azarkeşlik deyən kimi gözümün qarşısına Neftçi-nin SSRİ Güclülüər Dəsətəsində çıxışı və bizim azarkeşliyimiz gəlir. 85-ci ildən ta ki, Neftçi ona olan ümidlərimizi məhv edənə qədər azarkeşlik etdim. Bəlkə də çoxalrına qeyri-adi gələr, üstündən 30 il keçsə də Neftçinin elə oyunu yoxdur ki, xatırlamayım, qolları kimin vurduğunu xatırlamayım. İnanıram ki, mənim kimi bilənlər çoxdur. Biz azarkeş olmuşuq. Əsl azarkeş. Sonradan Gede (mən ona alman gədəsi də deyirəm) və digərləri bizi bu komandadan soyutdu. Bilirsiniz, azarkeş komandada sevgi, əzm, futboldan çox can yandırmaq görmürsə 2 yolu qalır, ya atıb gedir, ya da idarəçilərin rədd olmasını istəyir. Mən hər ikisini istədim Neftçi üçün. Hazırda isə şəksiz-şübhəsiz Qarabağa azarkeşlik edirəm. 1. Qarabağ bizə futbol göstərir. 2. Bu klubda nizam-intizam, sevgi və azrkeşə hörmət var. 3. Qurban Qurbanov kimi şxəsiyyət ora rəhbərlik edir. 4. idarəçilikdə peşəkarlıq var. O oyunçunu heyətə qat, bu oyunçunu çıxart, onu et, bunu et yoxdur. Burada sadəcə pararlel idarəçilik var”.
Publika.az-ın baş redaktoru Amil Hacıyev: “Neçə illərdir Neftçinin azarkeşiyəm. Bu belə də qalacaq. Təbii ki, Qarabağın Avroliqa görüşlərində azarkeş omamaq mümkün deyil. Amma bu iki komanda qarşılaşanda Neftçi deyirəm”.
Arqument.az-ın baş redaktoru Şəmşad Ağa: “Heç birinə azakeşlik etmirəm. Özümün o qədər azarım var ki...”
Jam.az-ın baş redaktoru Fikrət Fərəməzoğlu: “Mənim dəstəklədiyim tək klub "Qarabağ"dır”.
Azxeber.com-un baş redaktoru Hacıbəy Heydərli: "Azərbaycan Premyer Liqasında favoritim "Xəzər-Lənkəran" klubudur. Bu klub ilk yaranan gündən Azərbacan futboluna yeni nəfəs, yeni ruh gətirdi. Ancaq çox təəsüf ki, son illər klubda axsamalar hiss olunur. Ümumilikdə, isə deyə bilərəm ki, milli çempionatımız ildən-ilə populyarlığını itirir. Çox istərdim ki, azarkeşləri yenidən stadionlara qaytarmaq üçün əməlli addımlar atılsın və Premyer Liqamız əvvəlki ajioatıjını geri qaytarsın"
Qafqazinfo.az-ın baş redaktoru Elburus Erud: “Qarabağ və Xəzər Lənkarana azarkeşlik edirəm”.
Qaynar.info-ın baş redaktoru Zahir Əzəmət: “Daha çox "Xәzәr Lәnkәran"lıyam.Amma indi hәm dә "Qarabağ"a azarkeşlik edirәm”.
Ölkə.az-ın baş redaktoru Qafqaz Ömərov: "Bir idman növü kimi futbolu heç vaxt sevmədiyimdən oyunlara da ümumiyyətlə baxmıram. Azərbaycan yığması və ya hansısa klubumuz mötəbər bir yarışın, dünya və ya Avropa çempionatının finalında oynayarsa, bu oyunu seyr edərəm..."
Səxavət Məmməd
Ölkə.az
