"Qarabağ" bombanı partdatdı?

Ağdamın "Qarabağ" futbol klubu ilə bağlı ortaya yeni iddia atılıb.

Ağdam klubunun Fransa yığmasının sabiq üzvü Florent Maloudanı heyətinə qatdığı iddia olunub.

Artıq wikipedia.org saytı onu "Qarabağ"ın futbolçusu kimi təqdim edib. Dünən isə onun "Metz"ə keçəcəyi barədə xəbərlər yayılmışdı. "Qarabağ" hələlik xəbəri nə təkzib, nə də təsdiq edib.

Qeyd edək ki, Malouda karyerasına 1996-cı ildə Fransanın "Şatoru" klubunda başlayıb (1996-2000). Daha sonra "Genqam" (2000-2003) və Lion "Olimpik"inin (2003-2007) formasını geyinən futbolçu 2007-ci ildə transfer olunduğu "Çelsi"də 6 il çıxış edib (2007-2013). O, 2013/14 mövsümünü "Trabzonspor"da keçirib.

Malouda Fransa çempionluğunu (4 dəfə), Superkubokunu (3), İngiltərə çempionluğunu (1), Federasiya Kubokunu (3), Superkubokunu (1) və Çempionlar Liqasını (1) qazanıb.

34 yaşlı yarımmüdafiəçi 2004-2012-ci illərdə 80 dəfə Fransa millisinin formasını geyinib və 9 qola imza atıb. (anspress)

Ölkə.Az