Frans Tost: Mənim arzuladığım komanda Şumaxer və Fetteldən ibarətdir

"Formula-1" yarışlarının məşhur "Toro Rosso" komandasının rəhbəri Frans Tost bu barədə müsahibə verib.

Ölkə.Az xəbər verir ki, "100% sürət" kanalına danışan Tost "Formula 1" tarixində ən ideal saydığı pilotların adını açıqlayıb.

Komanda rəhbəri bildirib: "Əgər kifayət qədər büdcəm və zaman maşınım olsa, hansı pilotları dəvət edərdim? Şumaxer və Fetteli" Hər iki idmançını əla tanıyıram və onlarla işləmək şərəfinə nail olmuşam. Onlar hər ikisi çox istedadlı və peşəkar pilotlardır. İşlərinə çox sadiqdirlər və "Formula-1"i çox sevirlər, başqa heçnə onları maraqlandırmır".

Tost qeyd edib ki, zəhmətkeş və intizamlı pilotlar dərin düşüncəyə və məsələlərə yaradıcı kimi yanaşmaqda da mahirdirlər. Bu səbəbdən hər iki pilot böyük uğur əldə ediblər.

Hikmət
Ölkə.az