Qadın güləşçilərimiz ikinci oldular

Rusiyanın paytaxtı Moskvada güləş üzrə Avropa Millətlər Kuboku turniri davam edir.

Komanda yarışı xarakterli turnirdə Azərbaycanla yanaşı, Rusiya, Türkiyə, Ukrayna, Belarus, Macarıstan, Bolqarıstan, İsveç yığmaları iştirak edirlər. Turnirin ilk günü qadın güləşçilər mübarizə aparıblar. Reqlamentə əsasən, komandalar iki yarımqrupda yarışıblar. Püşkatmanın nəticələrinə əsasən, Azərbaycan güləşçiləri Ukrayna və Bolqarıstanla eyni yarımqrupda mübarizə aparıb. 

Qadın güləşçilərimiz hər iki görüşü 5:3 hesablı qələbə ilə başa vuraraq yarımqrupu ilk sırada tamamlayıblar. Digər yarımqrupda Rusiya güləşçiləri birinci olub. 

Beləliklə, Avropa Millətlər Kuboku turnirində qadın güləşçilərin mübarizəsində final görüşü Azərbaycan və Rusiya yığmaları arasında olub. Azərbaycan yığması Avropa Millətlər Kubokunu ikinci sırada tamamlayaraq turnirin gümüş mükafatına sahib olublar. (azvision)

Ölkə.Az