“Qalatasaray”da 75 nəfər qovuldu

“Qalatasaray”da xərcləri azaltmaq məqsədi ilə ixtisarlar başlayıb.

Ölkə.Az fanat.az-a istinadən xəbər verir ki, artıq 75 nəfərlə klubun yolları ayrılıb.

İşinə son verilənlərin bəziləri təqaüd yaşına (65) çatanlardı. Onların arasında Futbol Akademiyasının baş direktoru Bülent Ünder də var. O, “Qalatasaray” UEFA Kubokunu qazanan zaman Fatih Terimin köməkçisi olub.

Həmçinin üzgüçülük şöbəsinin kapitanı Yılmaz Özüak və voleybol şöbəsinin kapitanı Ali Himmetoğlu da işdən çıxarılıb.

Ölkə.Az