Nazir: “Ruslan Lunyov yorğun olduğundan sonuncu yarışa çıxmayıb”
“Məncə, Ruslan Lunyov dünya kubokunda yaxşı nəticə göstərib. Çünki o, İslamiadada 3 gün yarışdı və dərhal Münhenə yollandı. 54 ölkə arasında 11-ci olmaq yaxşı nəticədir”.
“Ölkə.Az”-ın məlumatına görə, bunu gənclər və idman naziri Azad Rəhimov IV İslam Həmrəyliyi Oyunlarının yekunlarına həsr olunan mətbuat konfransında çıxışı zamanı İslamiadada 5 qızıl medal qazanan Ruslan Lunyovun Almaniyanın Münhen şəhərində keçirilən dünya çempionatında 11-ci yer tutmasına münasibət bildərərkən deyib.
Nazirin sözlərinə görə, Lunyov kifayət qədər yorğun olduğundan sonuncu yarışa çıxmayıb.
Milli Olimpiya Komitəsinin vitse-prezidenti Çingiz Hüseynzadə isə məsələyə belə aydınlıq gətirib:
“Məncə, bu qədər mükafatdan sonra Ruslan Lunyovun yarışa qatılması özü böyük şey idi”.
Zaur Əziz
Ölkə.Az