"Qalatasaray"dan baş məşqçi açıqlaması

"Qalatasaray" dünən istefaya göndərilən Cesare Prandelli və yeni baş məşqçi ilə bağlı rəsmi açıqlamanı bir qədər əvvəl yayıb. 

Az öncə klubun rəsmi saytında iki açıqlama yerləşdirilib.

İlk açıqlamada bildirilir ki, komandanın baş məşqçisi Cesare Prandellinin müqaviləsi vaxtından əvvəl pozulub. Məlumatda "müqavilənin qarşılıqlıq razılıq əsasında" pozulması barədə qeyd yoxdu. Bu isə "Qalatasaray"ın italyan mütəxəssislə müqaviləni birtərəfli qaydada pozması anlamına gəlir.

İkinci açıqlamada isə qeyd edilir ki, komandanın baş məşqçisi postuna namizəd Hamza Hamzaoğlu ilə danışıqlar başlayıb. Hazırda milli komanda da Fatih Terimin köməkçisi olan 44 yaşlı mütəxəssis bu gün günorta saatlarında "Qalatasaray"dan təklif aldığını və prinsipial anlaşma əldə etdiyini bildirmişdi. (anspress)

Ölkə.Az