Luçesku 37 yaşlı ulduzu Türkiyə yığmasına dəvət etdi
Türkiyə milli yığmasının baş məşqçisi Luçesku 37 yaşlı Emre Belözoğlunu komandaya dəvət edib.
"Ölkə.Az" xəbər verir ki, Belözoğlu hazırda "Mediapol Başakşehir" forması geyinir və 3 illik fasilədən sonra yenidən yığmaya cəlb edilib.
Türkiyə milli yığması 2018-ci ilin Dünya Çempionatı Avropa seçim mərhələsində Ukrayna və Xorvatiya milliləri ilə qarşılaşacaq. Artıq yeni heyət müəyyən edilib. Mika Luçesku 2 sentyabrda Ukraynada, 5 sentyabrda isə Xorvatiyada baş tutacaq qarşılaşmalar üçün milli komandanın 26 nəfərlik heyətini müəyyənləşdirib.
Arda Turan da heyətə cəlb edilib. Bununla yanaşı 3 illik fasilədən sonra Emre Belözoğlu da milliyə çağrılıb.
Hikmət Həsənov
Ölkə.Az
