Bakının mərkəzi yolu müvəqqəti bağlanır

Yollarda olan son vəziyyət “AvtoFM” radiosunun efirində açıqlanır.

Bakının mərkəzi yolu müvəqqəti bağlanır.

Ölkə.Az xəbər verir ki, Azərbaycanın Nəqliyyat Nazirliyinin “Azəryolservis” ASC-dən Nəqliyyatı İntellektual İdarəetmə Mərkəzinə verilən məlumata əsasən, bu gün saat 22:00-dan etibarən Fətəli xan Xoyski küçəsində nəqliyyat vasitələrinin hərəkəti qismən məhdudlaşdırılacaq.

Ərazidə nəqliyyat vasitələrinin hərəkətinin məhdudlaşdırılması, piyada keçidlərinin və yol göstərici xətlərin yenidən rənglənməsi ilə bağlıdır.

Sürücülərə alternativ olaraq Akademik Həsən Əliyev küçəsindən istifadə etmələri tövsiyə olunur.

Qeyd edək ki, Bakı şəhərinin yollarında olan son vəziyyətlə bağlı operativ məlumat hər 30 dəqiqədən bir 107.7 – “AvtoFM” radiosunun efirində açıqlanır.

Ölkə.Az