"Superqızlar" qayıdır
"Warner Bros. Pictures Animation" studiyası uşaqlıq illərimizin sevilən cizgi filmi "Superqızlar" (The Powerpuff Girls) haqqında yeni tammetrajlı animasiya filmi hazırlayır.
"Ölkə.az" xəbər verir ki, bu barədə "Variety" nəşri məlumat yayıb.
Şirkət nümayəndələri layihə barədə Beynəlxalq Ansi Animasiya Filmləri Festivalında elan ediblər. Studiyadakı mənbələr cizgi filminin mütləq çəkiləcəyini təsdiqləsələr də, hələlik rəsmi müqavilənin imzalanmadığını bildiriblər. Ekran işinin digər detalları isə hələlik gizli saxlanılır.
Qeyd edək ki, "Superqızlar" cizgi serialı 1998-2004-cü illərdə "Cartoon Network" telekanalında nümayiş olunub. Ekran işi "Professor Utoni" tərəfindən "şəkər, ədviyyat və hər cür şirniyyatdan" yaradılan "Blossom", "Bubbles" və "Buttercup" adlı bacılardan bəhs edir. Təsadüfən tökülən "X maddəsi" sayəsində super güclər qazanan qızlar doğma şəhərlərini cinayətkarlardan qoruyurlar.
