Ölkəyə avtomobil idxalı artıb
Cari ilin səkkiz ayında Azərbaycana xaricdən 5 662 ədəd müxtəlif təyinatlı nəqliyyat vasitəsi idxal olunub.
"Ölkə.Az" Dövlət Gömrük Komitəsinə (DGK) istinadən xəbər verir ki, sürücü daxil olmaqla, 10 nəfər və ya daha çox adam daşımaq üçün nəzərdə tutulmuş motorlu avtomobillər 148% artaraq, 134 ədəd təşkil edib.
Hesabat dövründə adamların daşınması üçün nəzərdə tutulmuş 4 874 ədəd minik avtomobili və digər motorlu avtomobillər idxal edilib. Bu sahədə illik artım 63,5% faiz olub.
Yük avtomobillərinin idxalı 76,3% artaraq, 603, xüsusi təyinatlı motorlu avtomobillərin idxalı isə 50,98% azalaraq, 51 ədəd təşkil edib.
