Milli Məclis Rusiya ilə ratifikasiya etdi

Milli Məclis bu gün "Azərbaycan Respublikası Hökuməti ilə Rusiya Federasiyası Hökuməti arasında sərmayələrin təşviqi və qarşılıqlı qorunması haqqında" sazişi ratifikasiya edib.

Sənəd bu il sentyabrın sonunda Həştərxanda imzalanıb.

Sərmayələrin qorunması haqqında saziş qüvvəyə mindikdən sonra tətbiq edilir.

2013-cü ildə Azərbaycanın Rusiyada yatırdığı investisiyalar 250 milyon dollardan çox olub. Rusiyanın Azərbaycan iqtisadiyyatına yatırdığı sərmayələr isə təqribən 200 milyon dollar təşkil edib.

Milli Məclis, həmçinin sentyabrda Həştərxanda Xəzəryanı ölkələrin dövlət başçılarının IV sammiti üzrə qəbul edilmiş "Azərbaycan Respublikası, İran İslam Respublikası, Qazaxıstan Respublikası, Rusiya Federasiyası və Türkmənistan prezidentlərinin Bəyanatının təsdiq edilməsi haqqında" sənədi, "Xəzər dənizində fövqəladə halların qarşısının alınması və aradan qaldırılması sahəsində əməkdaşlıq haqqında", "Xəzər dənizinin hidrometeorologiyası sahəsində əməkdaşlıq haqqında" və "Xəzər dənizinin su bioloji resurslarının mühafizəsi və səmərəli istifadəsi haqqında” sazişləri təsdiq edib.(Trend)

Ölkə.Az