Nəqliyyat Nazirliyi: “Şəhərdaxili avtobuslarla bağlı dəyişiklik olmayacaq”

“Nəqliyayat Nazirliyi dekabrın ikinci yarısından etibarən gücləndirilmiş iş rejiminə keçib”.

Ölkə.Az xəbər verir ki, bunu modern.az-a Nəqliyyat Nazirliyinin mətbuat katibi Namiq Həsənov bildirib.

“Həm dəmiryolu şəbəkəsi, həm Dövlət Avtmobil Nəqliyyatı xidməti, həm də avtmobil yolları üzrə regional idarələr də daxil, paytaxtda olan strukturlamızın hamısı gücləndirilmiş iş rejimində çalışır. Bu Yeni ilin ilk günlərinə qədər davam edəcək”.

Nazirlik rəsmisi avtobusların həmişəki kimi müəyyən olunan saatlara qədər işləyəcəyini qeyd edib: “Şəhərdaxili avtobuslarda iş saatlarında dəyişiklik olmayacaq. Amma şəhərlərarası avtobusların sayı təxminən 2 dəfəyə qədər artırılıb”.

Ölkə.Az