Pulları harda və necə saxlamalı?

Əhalinin əlində olan vəsaiti evdə saxlaması həm təhlükəlidir həm də qiymətdən düşür. Hazırki vəziyyətdə banklara olan inamın azalmasını da nəzərə alsaq, vətəndaşın diqqət edəcəyi məsələlər də artır. Yəni, əhali əlində olan vəsaiti səhv seçim edərək riskli bir banka əmanət etsə o zaman bankın bağlanacağı təqdirdə pulunu geri alma riski olur. Bu zaman əhali iki vəziyyət arasında qalır. Ya evdə saxlamaqla pulunu riskə atır ya da səhv seçim etməklə banka olan pulunu riskə atır.

İqtisadçılaın “Ölkə.Az”a verdiyi məlumata görə, əgər vətəndaş əlində olan manatını 15%, xairici valyutasını isə 3% -dən çox olmamaq şərti ilə sağlam bir banka əmanət edərsə o zaman depozitindən əlavə gəlir əldə etmiş olar. Bundan başqa vətəndaşlar əlində olan pula ev ala bilər ki, bu da uzun müddətli yatırımdır. Çünki, daşınmaz əmlaka olan yatırım ekvit (qısa müddətdə pula çevirlməyən) yatırım hesab olunur.

Bütün halları nəzərə alsaq o zaman əldə olan əmanətləri sağlam banklara yatırmaq daha sərfəlidir. Çünki, vətəndaşın seçim etdiyi bank, müştərisinə bankda əmanəti olduğu üçün sərfəli kredit də təklif edə bilir. Yəni, depozit təminatlı kreditlər daha sərfəlidir. Bundan başqa vətəndaş bankdakı əmanətindən aylıq, rüblük yaxud illik əlavə faiz olaraq gəlir də əldə etmiş olur.

Qeyd edək ki, pulunuzu əmanət edəcəyiniz bankın illik və rüblük hesabatına bankın rəsmi internet səhifəsindən baxa bilərsiniz. Milli valyutada 15%, xairici valyutada isə 3% -dən çox olan depozitlər Əmanətlərin Sığortalanması Fondu tərəfindən sığortalanmır.

Ölkə.Az