Vüqar Bayramov: "Dollara tələb artacaq"

Bunu “Ölkə.Az”a açıqlamasında iqtisadçı-alim Vüqar Bayramov bildirib.

Onun sözlərinə görə, AMB birmənalı şəkildə müəyyən interval müəyyənləşdirməli idi. Buna bu gün də ehtiyyac var.  Məzənnənin fiks olaraq saxlanması, gələcəkdə məzənnədə olacaq kiçik dəyişiklik bank və real  sektorda ajiotaj yaradacaq. Müəyyən interval olmalıdır ki, bank və real sektor dəyişən məzənnəyə öyrəşə bilsin. Fiks məzənnə arzuolunan deyil amma çox təəssüf ki, AMB-ı son 1 ildə dəyişməyən məzənnə siyasətinə üstünlük verib. Amma ən azından Rusiyada olduğu kimi məzənnənin müəyyən interval daxilində dəyişdirilməsinə nail olmağa ehtiyyac var ki, banklar, real sektor və vətəndaş həmin intervala bir növ adaptasiya oluna bilsinlər.

“Bizim proqnozumuz ondan ibarətdir ki, dollara tələb artacaq. Çünki, büdcə xərcləmələri artaraq bu il 3 mlrd. manat olaraq müəyyənləşdirilib. Bu isə təbii ki, dollara olan tələbin artmasına səbəb olacaq.  Əvvəlki illərdə idxalı tənzimləmək mümkün olsa da, bu il idxalda artımlar müşahidə olunur. Növbəti aylarda güman edilir ki, analoji olaraq iyun, avqust və dekabr ayları dollara tələb artmasının müşahidə edilən aylardır. Avqust ayında məktəb mövsümünün başlanması, iyunda xairici səfərlərin olması və bu istiqamətdə ödənişlərin xarici valyutada olması,  o cümlədən dekabr ayında xairici borcların ödənilməsi dollara tələbin artmasına səbəb olacaq. Növbəti aylarda, xüsusilə, qeyd etdiyimiz 3 ayda dollara tələb artacaq. Bunun dolların məzənnəsinə necə təsir göstərəcəyi AMB –nın mövqeyindən aslı olacaq. Amma yenə də birmənalı şəkildə AMB müəyyən intervallarda məzənnənin dəyişməsinə imkan verməlidir.

Rusiya və Türkiyədə milli valyutaların məzənnəsində azalmalar müşahidə olunur. Rusiya rubluna təzyiq yüksəkdir və rubl ciddi məzənnə itirəcəyi halda manata təzyiqlər artacaq. Çünki, Azərbaycanın qeyri-neft ixracatının 3/1-dən çoxu Rusiyanın payına düşür. Aqrar məhsullarımızın 90%-ni Rusiya bazarı yönəldir. Bu baxımdan Rusiya rublu məzənnə itirəcəyi halda manata təzyiqləri artıracaq. AMB-ı buna hazır olmalıdır. Bu hazırlıq da dəyişməyən deyil, optimal və tənzimlənən interval daxilində məzənnənin dəyişməsinə imkan verilməlidir”, - deyə V.Bayramov bildirib.

Qeyd edək ki, dollara tələbin artması, məzənnənin artmasına səbəb olur.

Ölkə.Az