Vahid Ələkbərov: "Neftin qiymətləri 25 dollara qədər düşə bilər"

"Dünya bazarlarında neftin qiyməti 25 dollara qədər düşə bilər"

Ölkə.az xəbər verir ki, bu sözləri jurnalistlərlə söhbətində "LUKOİL" neft şirkətinin prezidenti Vahid Ələkbərov deyib.

"Neftin qiymətləri 2014-cü ilin əvvəlindən sonunadək ən az iki dəfə ucuzlaşıb. OPEK rəhbərliyi və Səudiyyə Ərəbistanının rəsmilərinin verdikləri pessimist bəyanatlar isə neftin qiymətlərini fəlakətli dərəcədə aşağı sala bilər. Hətta neft 25 dollardan da aşağı düşə bilər", deyə Vahid Ələkbərov vurğulayıb.

"Bu il qiymətlərin daha da azalması müşahidə olunacaq. Dünən bir gün ərzində neftin qiyməti 10% ucuzlaşdı, siz bunu nə vaxtsa müşahidə etmişdiniz? Yox, son illər bu hadisə heç müşahidə olunmamışdı. Bu onu göstərir ki, birjalarda vəziyyət gərgindir", deyə "LUKOİL"in prezidenti çıxışını bədrbin notlarla bitirib.

Ölkə.az