Qaribaşvili: Türkiyə və Azərbaycan Gürcüstanın həqiqi dostlarıdır

“Böyük potensial var”.

Gürcüstanın baş naziri İrakli Qaribaşvili bu gün Batumidə 4-cü Gürcüstan-Türkiyə-Azərbaycan biznes forumunun açılışında çıxış edib.

“Türkiyə və Azərbaycan Gürcüstan üçün həqiqi dost dövlətlər, strateji tərəfdaşlardır. Biz hər zaman ticari-iqtisadi və dostluq münasibətlərinin daha da dərinləşməsi üçün çalışırıq. Mənə həqiqətən də çox xoşdur ki, bu forum sayca 4-cüdür və Batumidə keçirilir və bu, yaxşı ənənəyə çevrilib”, - Qaribaşvili deyib.

Hökumət başçısı deyib ki, forum çərçivəsində aparılacaq danışıqlar tərəflərə ticari-iqtisadi münasibətləri dərinləşdirməyə imkan verəcək.

“Bizim biznesmenlərə bir-biri ilə intensiv əməkdaşlıq etmək imkanı veriləcək. Bir qayda olaraq, bu format məsələlərin effektiv və vaxtında həll olunmasına kömək edir... Gürcüstan, Azərbaycan və Türkiyənin regionumuzun Qərb və Şərq arasında iqtisadi münasibətlərdə vacib oyunçuya çevirməyə böyük potensialları var”, - Qaribaşvili qeyd edib./Oxu.az/

Ölkə.Az