"Neftin qiymətinin düşməsi Azərbaycan üçün böyük şansdır"

Azərbaycanda ixracın 95 faizini neft təşkil edir. Neftin qiymətinin düşməsi ölkə üçün bir çağırışdır və bu, ölkənin tədliyyə balansına, büdcəyə və artım tempinin aşağı düşməsinə təsir göstərə bilər.

Ölkə.Az xəbər verir ki, bu sözləri Asiya İnkişaf Bankının prezidenti Takehiko Nakao bu gün keçirilən sonuncu mətbuat konfransında bildirdi.

Prezident qeyd edib ki, bu, Azərbaycan üçün iqtisadiyyatın şaxələndirilməsi üçün böyük şansdır.

Takehiko Nakao bildirib ki, Azərbaycan kommunikasiyalar, aqrar sektor üzrə inkişafını aparır.

Prezident həmçinin Azərbaycan kimi ölkələrin iqtisadiyyatın şaxələndirilməsini həyata keçirməkdə maraqlı olacaqlarına ümidvar olduğunu bildirib.

Takehiko Nakao yekun mətbuat konfransında Asiya İnkişaf Bankının Rəhbərlər Şurasının 48-ci İllik Toplantısına ev sahibliyi etdiyi üçün Azərbaycana təşəkkürünü bildirib.

“Bakı dünyanın 76 ölkəsindən olan nümayəndələri bir araya toplayıb. Buna görə Azərbaycan Prezidenti İlham Əliyevə və maliyyə nazirinə təşəkkürümü bildirirəm. Qaldığımız otellər gözəl olmaqla bərabər funksional idi”, - deyə, qeyd edib.

Ölkə.Az