“Azərelektroterm” ASC-yə yeni sədr seçiləcək
“Azərelektroterm” ASC səhmdarlarının illik ümumi yığıncağı keçiriləcək.
"Ölkə.az"ın məlumatına görə, yığıncaq pandemiya şəraitinə görə mövcud məhdudiyyətlərlə əlaqədar olaraq qiyabi keçiriləcək.
Yığıncağın gündəliyinə “Azərelektroterm” ASC-nin nizamnaməsinin yeni redaksiyada təsdiq edilməsi, ASC-nin illik hesabatları və maliyyə hesabatlarının təsdiq olunması, “Azərelektroterm” ASC-nin baş direktorunun seçilməsi və cəmiyyətin direktorlar şurasının üzvlərinin və sədrinin seçilməsi məsələləri daxilir.
Qeyd edək ki, “Azərelektroterm” ASC 2001-ci ildə dövlət qeydiyyatına alınıb və qanuni təmsilçisi Həsənov Rizvan Tofiq oğludur. Şirkətin fəaliyyəti ağır və yüngül sənayə sahələrində müxtəlif metal konstruksiya istehsalından ibarətdir.
