“Türk axını” 2017-ci ildən sonra istifadəyə veriləcək

“Türk axını” qaz kəmərinin istifadəyə verilməsi çox güman ki, 2017-ci ildən sonraya qalacaq.

Bu barədə müsahibəsində Türkiyənin Moskvadakı səfiri Umit Yardım bildirib.

Səfirin sözlərinə görə, Türkiyə və Rusiya layihənin başlanması mərhələsinə çatmayıblar.

“Yəqin ki, bu gün qaz kəmərinin istifadəyə verilməsi kimi 2016 və ya 2017-ci ili göstərmək düzgün olmazdı”, - Yardım bildirib.

“Mənim fikrimcə, biz bu layihəni realizə etsək, bu həm Türkiyə, həm də Rusiya üçün böyük qələbə olacaq. Ölkələrimiz arasında bu məsələyə dair əlaqələr davam edir” - səfir qeyd edib.

Yardım bildirib ki, hal-hazırda Rusiya və Türkiyə arasında bu layihəyə dair imzalanmış icbari müqavilə mövcud deyil.

“Amma “Türk axını” layihəsini realizə etmə arzusu və niyyəti həm Rusiya, həm də Türkiyə tərəfindən mövcuddur”, - o deyib.

Daha öncə, “Qazprom”un rəhbəri Aleksey Miller bəyan etmişdi ki, “Türk axını” qaz kəmərinin istismara verilməsi 2016-cı ilin dekabrına planlaşdırılıb.oxu

Ölkə.Az