Klaus Şvab: Uyğun bölmələrə tapşırıq verəcəyik

Rabitə və Yüksək Texnologiyalar naziri Əli Abbasov Dünya İqtisadi Forumunun (DİF) təsisçisi və icraçı sədri Klaus Şvabla görüşüb.

Görüşdə Klaus Şvab Azərbaycanda informasiya və yüksək texnologiyaların sürətli inkişafının Davos Forumu çərçivəsində aparılan təşəbbüslərdə və keçiriləcək sessiyalarda da öz əksini tapması üçün uyğun bölmələrinə tapşırıq verəcəyini bildirib.

Bundan başqa, görüş zamanı Azərbaycan Respublikası ilə DİF arasında yüksəksəviyyəli əlaqələrin perspektivləri və inkişaf etdirilməsi ilə bağlı fikir mübadiləsi aparılıb, 2016-ci ilin yanvar ayında DİF-in Davosda baş tutacaq illik toplantısı çərçivəsində Genişzolaqlı İnternetin inkişafı üzrə BMT Komissiyasının xüsusi sessiyasının DİF-lə birgə keçirilməsi mövzusu müzakirə edilib.

Qeyd edək ki, nazir 3 gün mayın 21-dən 23-dək İordaniya Haşimilər Krallığında Dünya İqtisadi Forumunun (DİF) Yaxın Şərq və Şimali Afrika üzrə keçirilmiş sammitində iştirak edib.oxu.az

Ölkə.Az