SOCAR qaz hasilatını azaltdı
Dövlət Neft Şirkəti(SOCAR) 2015-ci ilin may ayında 576.1 milyon kub metr qaz hasil edib. Bu da 2014-cü ilin analoji dövrünün göstəricisindən 32,4 milyon kub metr və ya 5,3% azdır.
Bu barədə Ölkə.Az-a SOCAR-dan bildirilib.
SOCAR qeyd edir ki, 2015-ci ilin may ayında Azərbaycan üzrə qaz hasilatı 2 milyard 454.7 milyon kub metr təşkil edib. Bu da 2015-ci ilin yanvar ayı ilə müqayisədə 41,3 milyon kub metr azdır.
Xatırladaq ki, SOCAR ümumilikdə 2015-ci ilin ilk 5 ayı ərzində 2 milyard 801,4 milyon kub metr qaz hasil edib ki, bu da 2014-cü ilin analoji dövrü ilə müqayisədə 14,1% azdır.
Qeyd edək ki, 2015-ci ilin aprel ayında şirkət 555.6 milyon kub metr, mart ayında 580.4 milyon kub metr, fevral ayında 519.1, yanvarda isə 570.2 milyon kub metr qaz hasil edib.
Məlumat üçün bildirək ki, "Caspian Oil&Gas 2015” konfransında çıxışı zamanı SOCAR-ın neftin, qazın hasilatı və nəqli üzrə vitse-prezidenti Rəhman Qurbanov bildirmişdi ki, bu il Azərbaycanda 40,7 mln. ton neft və 30,2 mlrd. kubmetr qaz hasilatı proqnozlaşdırılır.
Ölkə.Az
