Dövlət Statistika Komitəsi bazar haqqında məlumat yayıb

Dövlət Statistika Komitəsi əmtəə bazarı haqqında məlumat yayıb

Ölkə.Az bildirir ki, 2014-cü ilin yanvar-sentyabr aylarında istehlak olunması məqsədilə pərakəndə ticarət subyektlərində istehlakçılara 15,5 milyard manatlıq və ya 2013-cü ilin müvafiq dövrü ilə müqayisədə 9,4 faiz çox əmtəə satılıb. İstehlak mallarının 50,1 faizini qida məhsulları, içkilər və tütün məmulatları, 49,9 faizini qeyri-ərzaq malları təşkil etmiş, qeyri-ərzaq məhsullarının xüsusi çəkisi 3,5 faiz bəndi artıb.

Cari ilin doqquz ayında elektron pərakəndə ticarət dövriyyəsinin həcmi ötən ilin yanvar-sentyabr aylarına nisbətən 2,4 dəfə artaraq 4,4 milyon manat təşkil edib. Əhali real vaxt rejimində sifariş verdikləri istehlak mallarının 91,2 faizini hüquqi şəxslərin, 8,8 faizini fərdi sahibkarların ticarət şəbəkələrindən alıb. Elektron ticarət dövriyyəsinin 94,9 faizini qeyri-ərzaq malları təşkil edib.

Ölkə.Az