"Twitter" FTB-ni məhkəməyə verdi

Mərkəzi ofisi ABŞ-ın San-Fransisko şəhərində yerləşən "Twitter" internet şirkəti, ABŞ xüsusi xidmət orqanlarına istifadəçilər haqqında ötürdüyü məxfi məlumatları özünün dərc etməsinə qadağa qoyduqlarına görə FTB-ni və Ədliyyə nazirliyini məhkəməyə verib.

Xatırladırıq ki, ABŞ-da qüvvəyə minən bir qanuna görə, "Twitter" kimi sosial şəbəkələr, beynəlxalq təhlükəsizliklə əlaqədar mövzularda istifadəçilərinin yazışmalarını ABŞ -ın xüsusi xidmət orqanlarına ötürür. Ancaq sosial şəbəkələrin bu informasiyaları paylaşmasına qadağa qoyulur.

Bu tənzimləmənin ABŞ konstitusiyasında söz azadlığı ilə bağlı qnunun 1-ci maddəsini pozulduğunu  iddia edən "Twitter", çərşənbə axşamı günü Kaliforniyadakı yerli məhkəmələrdən birinə şikayət ərizəsi ilə  müraciət edib. 

Ölkənin ən mühüm insan hüquqları təşkilatlarından biri olan   “American Civil Liberties Union” (Amerika Vətəndaş və Söz  Azadlıqlar komissiyası) adından verilən məlumatda  Cəmil Cəfər texnologiya saytlarının istifadəçilərinin  məlumatlarını gizli saxlamaqda öhdəçilik götürdüyünü  bildirib və digər şirkətlərin də Twitteri nümunə almalarının vacib olduğunu vurğulyıb.

Ziya Rəhmanov

Ölkə.az