\"Əməliyyatların 77%-i elektron bankçılıq vasitəsilə həyata keçirilib\"
Azərbaycanın bank sektorunda kifayət qədər işlər görülüb.
"Ölkə.Az" xəbər verir ki, bunu Mərkəzi Bankın İdarə Heyətinin sədri Taleh Kazımov deyib. O bildirib ki, bank sektorunda müştərilərin cari hesabları üzrə aparılan əməliyyatların 77%-i elektron bankçılıq vasitəsilə həyata keçirilib:
"Elektron bankçılıq dedikdə internet və mobil bankçılıq nəzərdə tutulur. İnternet banka gəldikdə isə son 10 ayda ötən ilin eyni dövrü ilə müqayisədə 55% çoxdur. Bankların 84%-nin mobil əlavəsi var. Mobil əlavədən aparılan əməkiyyatlar 3 dəfə artıb".
"Mərkəzi Bankın 3 mandatı var: qiymətlərin sabitliyi, maliyyə sabitliyi və ödəniş sistemlərinin fasiləsizliyidir. Bu mandatların həyata keçirilməsi informasiya texnologiyaları olmadan mümkün deyil", - deyə baş bankir əlavə edib.
Könül
Ölkə.Az