İpoteka kreditləri ilə bağlı sistem çökdü

"Ölkə.Az" xəbər verir ki, vətəndaşların sözlərinə görə, sözügedən vaxtda sistemə daxil olmaq mümkün olmayıb. Kreditlə bağlı müraciət etmək istəyən şəxslər sistemin çökdüyünü bildirir.

İpoteka və Kredit Zəmanət Fondu isə müraciətlərin çox olduğunu deyərək sistemdəki xətanı bununla əlaqələndirib və müraciət qəbulunu dayandırıb:

"İpoteka kreditləri üzrə əvvəlki dövrlə müqayisədə daha çox müraciətlərin olmasını nəzərə alaraq “Elektron ipoteka və kredit zəmanət” sistemindən istifadənin daha da asanlaşdırılması və vətəndaş məmnunluğunun təmin edilməsi məqsədi ilə əlavə tədbirlər görülməkdədir. 

Bununla əlaqədar olaraq, Azərbaycan Respublikasının İpoteka və Kredit Zəmanət Fondu tərəfindən 24 yanvar 2023-cü il tarixinə təyin edilmiş ipoteka kreditləri üzrə müraciətlərin qəbulu prosesi qısa müddətə təxirə salınıb. 

İpoteka kreditləri üzrə müraciətlərin qəbulunun başlama vaxtı ilə bağlı vətəndaşlara əlavə məlumat veriləcək", - deyə açıqlamada bildirilir.

Qeyd edək ki, Mənzil İnşaatı Dövlət Agentliyinin güzəştli mənzil sifarişlərində də sistemin çökməsi halı dəfələrlə yaşanıb.

Könül
Ölkə.Az