“Bu haldaxa0“Formula 1” Qarabağda keçiriləcək”xa0- Deputat

Ölkəmizə turist cəlbində xüsusi əhəmiyyət daşıyan “Formula 1” yarışlarının şəhərətraflı ərzilərə, həmçinin işğaldan azad olunmuş rayonlarımıza köçürülməsi də təklif olunan məsələlərdən biridir.

İqtisadçı ekspert Azər Mehtiyev “Ölkə.Az”a açıqlamasında bildirdi ki, “Formula 1” yarışları üçün lazım olan yolun ölçülərinin götürülməsi, razılaşdırılması, çəkilməsi böyük xərc tələb edir: “Yarışların Bakı şəhərindən kənara çıxarılması, xüsusilə işğaldan azad olunmuş ərazilərdə yeni yolun çəkilməsi və oraya köçürülməsi cəlbedici görünən layihədir.

Lakin bu layihənin xərcləri və gəlirləri ciddi şəkildə hesablanmalıdır. Məsələn, yarışların keçirilə biləcəyi yer kimi nümunə göstərilən Ağdam şəhərində və digər ərazilərdə bərpa işləri hələ başa çatmayıb və bu, uzun çəkən prosesdir. İşğaldan azad olunmuş ərazilərin bərpası və burada yarışlardan sonrakı müddət ərzində istirahət üçün yerlərin qurulması müəyyən vaxt tələb edir. Azərbaycan daimi olaraq “Formula 1” yarışlarının məskəninə çevriləcəksə, onun Bakı şəhərindən xüsusən Qarabağa köçürülməsi daha məqsədəuyğun olar”. 

Ekspert hazırkı dövr üçün yarışın Qarabağa deyil, digər şəhərkənarı ərazilərə köçürülməsinin mümkün olmayacağını deyib. “Sözügedən yarış trekinin qurulması və razılaşdırılması çətinlik yarada bilər”, - deyə A. Mehtiyev əlavə edib. 

Milli Məclisin deputatı Azər Badamov isə “Ölkə.Az”a açıqlamasında bildirdi ki, “Formula 1” yarışlarının Bakıda keçirilməsi üçün bütün hazırlıq işləri görülüb və bu yarışların keçirilməsi dünyanın Azərbaycana marağını ciddi şəkildə artırıb: “Biletlərin 90%-nin satılması, bilet alanlar siyahısında 70% xarici ölkə vətəndaşlarının olması buna sübutdur. Bu gün Bakı şəhərində xarici turistlərin sayında ciddi artım var ki, bu da ölkəmizin turizm potensialının artımına müsbət təsir göstərir”. 

Millət vəkilinin sözlərinə görə, gələcəkdə belə yarışların Bakı şəhərindən kənarda, o cümlədən işğaldan azad olunmuş ərazilərdə təşkil olunması mümkündür: “Bu gün həmin ərazilərdə sürətli quruculuq və abadlıq işləri həyata keçirilir. Təbii ki, bu infrastruktur tam formalaşdıqdan sonra “Formula 1” və buna bənzər digər yarışlar, çempionatlar Qarabağda, işğaldan azad olunmuş ərazilərdə keçiriləcək və bu ərazilər dünya tərəfindən daha yaxşı tanınacaq”. 

“Hələ ki trek Bakı şəhərinin mərkəzində yaradılıb və bunun yaradılması da müəyyən qədər xərc tələb edir. Hazır trekimiz olduğu üçün yarışlar burada keçirilir. Düzdür, vətəndaşlarımız üçün bir neçə günlük çətinlik yaranır, lakin bununla yanaşı şəhər özü də bayram əhval-ruhiyyəsində olur və vətəndaşlar həmin yarışları izləmək imkanı əldə edirlər”, - deyə A. Badamov əlavə edib.

Könül
Ölkə.Az