“Trendyol”dan Azərbaycan istifadəçiləri üçün yenilik - FOTO
Bu gündən etibarən Türkiyənin məşhur alış-veriş saytı olan “Trendyol”a daxil olarkən Azərbaycan istifadəçilərinə yeni seçim imkanı təklif edilir.
“Qafqazinfo” xəbər verir ki, təklifdə ““Trendyol” siparişlerini artık Azerbaycan adresinde teslim alabilirsin” seçimi yer alıb.
Yeniliklə vətənaşlar Azərbaycan nömrəsi ilə qeydiyyatdan keçərək, sifarişi "Trendyol" saytından izləyə bilərlər. Eyni zamanda sifarişçi adres olaraq öz ev ünvanını qeyd edərək, malın evinə təslim edilməsini seçə bilər. Yəni indiyədək “Trendyol”un Azərbaycana birbaşa çatdırılması yox idi.
Belə ki, indiyədək vətəndaşlar sifariş üçün Türkiyə anbarını yazırdı, mal həmin anbara daxil olduqdan sonra Azərbaycana göndərilirdi.
Bununla belə vətəndaşlar əvvəlki qaydada sifarişlərini Azərbaycanla yanaşı, digər ölkələrdən də təslim al bölməsini seçə bilər.
