“Azercell” gəlirlərini artırıb
“Ölkə.Az” xəbər verir ki, 2022-ci ilin yekununda şirkətin cəmi gəlirləri 531,822 mln manat olub. Bu isə 2021-ci ilin yekunu ilə müqayisədə 8,1% çoxdur.
Ötən il üzrə şirkətin ümumi xərcləri 362,528 mln manat olub ki, bu da illik müqayisədə 5,5% çoxdur.
Əməliyyat mənfəəti 169,294 mln manat olan mobil rabitə şirkətinin digər gəlirləri 1,854mln manat, maliyyə gəlirləri 1,354 mln manat, maliyyə xərcləri 1,096 mln manat təşkil edib. Mənfəətindən 42,567 mln manat vergi ödəyən “Azercell Telecom” 2022-ci ili 128,839 mln manat xalis mənfəətlə başa vurub. Bu isə 2021-ci illə müqayisədə 6,3% çoxdur.
Sözügedən dövrə şirkətin cəmi aktivləri 1,020 mlrd manat olub ki, bu isə 2021-ci ilin yekunları ilə müqayisədə 12,1% artım deməkdir. Şirkətin cəmi aktivləri isə illik müqayisədə 3,3% azalaraq 187,385 mln manata enib.
“Azercell Telecom” MMC-nin cəmi kapitalı isə 2021-ci ilin yekunu ilə müqayisədə 16,3% artaraq 832,797 mln manata çatıb.
Könül
Ölkə.Az
