"Paşa Bank" Türkiyə və Gürcüstan törəmələrinin zərərdə olmasının səbəbini açıqladı
"Paşa Bank" ASC-nin Türkiyə və Gürcüstan törəmələrinin ötən ili zərərlə başa vurmasının səbəbi açıqlanıb.
"Ölkə.Az" xəbər verir ki, bu barədə "Paşa Bank" ASC-nin İdarə Heyətinin üzvü, baş maliyyə inzibatçısı Murad Süleymanov danışıb.
O bildirib ki, "Paşa Bank Gürcüstan" pərakəndə bankçılıqda yeni layihələrə yatırımlar edir, bu da bankın ili zərərlə başa vurmasına səbəb olub:
"Paşa Bank"ın Türkiyə törəməsində isə ölkədə qeydə alınan hiperinflyasiya səbəbindən beynəlxalq standarlara uyğun zərər tanınıb. Ötən il bankın əməliyyat mənfəəti 23,063 mln manat olsa da, xalis maliyyə itkisi mövqeyi 21,076 mln manat təşkil edib".
Qeyd edək ki, "Paşa Bank Gürcüstan" ötən ili 1,331 mln manat, "Paşa Bank Türkiyə" isə 11,354 mln manat xalis zərərlə başa vurub.
Könül
Ölkə.Az
