Futbolçuya Azərbaycandan çıxışına “stop” qoyulur - SƏBƏB

“Şamaxı” futbol klubunun sabiq futbolçusunun ölkədən çıxışına qadağa qoyulur.

“Ölkə.Az”ın məlumatına görə, İqtisadiyyat Nazirliyi yanında Dövlət Vergi Xidməti Bakı Şəhəri Kiçik Sahibkarlıqla İş üzrə Baş İdarəsi Silvio Rodrigues Pereira Junior ilə bağlı Bakı Kommersiya Məhkəməsinə müraciət edib.

Hakim Leyla Əliyevanın sədrliyi ilə baxılacaq məhkəmə işinin mahiyyəti vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlər üzrə icraatdır.

Qeyd edək ki, 29 yaşlı futbolçu 2020-2021-ci illərdə Azərbaycanın “Şamaxı” futbol klubunda oynayıb. 2022-ci ildə isə İndoneziyanın “Persebaya Surabaya” klubu ilə müqavilə imzalayıb.

Axtarışlarımız zamanı əcnəbi futbolçunun 3,376 min manat vergi borcunun olduğu ortaya çıxdı.

Könül
Ölkə.Az