"ExxonMobil" "Rosneft"lə bağladığı 9 müqaviləni pozdu

ABŞ-ın neft nəhəngi "ExxonMobil" Rusiyanın "Rosneft" şirkəti ilə bağladığı 10 müqavilədən doqquzunu pozduğunu elan edib.

Ölkə.az "İtar-TASS" agentliyinə istinadən xəbər verir ki, iki şirkətin şimal qütbündə birgə apardıqları kəşfiyyat axtarış işləri müqavilənin pozulması ilə birlikdə dayandırılıb.

Xatırladırıq ki, hər iki şirkət Şimal qütbündəki neft yataqlarının axtarılması və gələcəkdə bu yaraqların istismarı üzrə 10 müqavilə bağlamışdılar. Ukrayna hadisələri ilə əlaqədar Qərbin Rusiyaya tətbiq etdiyi iqtisadi sanksiyalar gücləndikcə, rus şirkıətləri ilə müştərək layihələr həyata keçirən Qərb şirkətləri bu layihələri bir-birinin ardınca dondurmaqda davam edirlər.

Qeyd edək ki, "ExxonMobil" şirkəti "Rosneft"lə ortaq layihəni işləmək üçün 2011-ci ildə müqavilə bağlamışdı və o vaxtdan iki şirkət geoloji kəşfiyyat işləri ilə məşğul idi.

Ölkə.az