Türkmənistan tələsməlidir, vaxt yoxdur - Bloomberg

Ölkə.Az xəbər verir ki, bu barədə "Bloomberg" nəşri yazır.

Təbii qaz ehtiyatlarına görə dünyada 4-cü yerdə olan Türkmənistanın Avropa yanacaq bazarını qidalandırmaq üçün kifayət qədər vaxtı yoxdur. Türkmənistanın Xəzər dənizi üzərindən çoxmilyardlıq qaz kəmərinin çəkilməsi təklifi ciddi maliyyə problemləri ilə üzləşir və iqlim dəyişikliyi böyük qaz layihələrini cəlbedici edir. Digər maneə Türkmənistanın Qərblə əlaqələrinin məhdud olması və ölkənin Avropa ilə dialoqunun ləng olmasıdır.

Hazırda Xəzər regionundan Aİ-yə yalnız bir əsas boru kəməri sistemi - Cənub Qaz Dəhlizi mövcuddur. Azərbaycan türkmən qazının tranziti üçün öz infrastrukturunu təklif edib, lakin bildirib ki, Transxəzər qaz kəmərinin tikintisi ilə bağlı qərar Türkmənistanın üzərinə düşür. Ölkənin Energetika Nazirliyinin və “Türkmənqaz” dövlət şirkətinin nümayəndələri sorğuya cavab verməyiblər.

Xatırlatma:

Azərbaycan Prezidenti İlham Əliyev Şuşa Qlobal Media Forumunda çıxışında deyib: “Sual yaranır ki, bu mühüm layihəni kim maliyyələşdirəcək? Bu sualın hələlik cavabı yoxdur. Bu suala cavab tapana qədər layihənin icrası və yaxud da bu məsələ haqqında düşünmək bir o qədər real olmayacaq. Eyni zamanda, biz bilirik ki, Avropa bankları mədən yanacağı ilə əlaqədar layihələri maliyyələşdirmir. Odur ki, bu layihə üçün ciddi vəsait cəlb etmək çətin olacaq”.

Miri
Ölkə.Az