Nazir fermerlərə müraciət etdi

Pambıq yetişdirənlər məhsullarını "MKT İstehsalat Kommersiya" MMC-nin filiallarına müəyyən olunmuş qiymətlər üzrə təhvil verə bilərlər

Kənd təsərrüfatı naziri Heydər Əsədov pambığını sata bilməyən fermerlərlə bağlı problemə münasibəti bildirib.

Problemin artıq bu gündən həll olunduğunu bildirib.

“Problem mənə bəllidir. Dünən bizim bir sıra özəl şirkətlərlə danışıqlarımız axşam saatlarına kimi davam edib və bitib. Bu gün saat 12-dən sonra pambıq yetişdirənlər artıq bizim sayta və "MKT İstehsalat Kommersiya" MMC-nin filiallarına müraciət edə bilərlər. Burada pambığın növləri üzrə alış qiyməti əks olunub”, - deyə H.Əsədov vurğulayıb.

Nazir əlavə edib ki, pambıq yetişdirənlər məhsullarını "MKT İstehsalat Kommersiya" MMC-nin filiallarına müəyyən olunmuş qiymətlər üzrə təhvil verə bilərlər.

H.Əsədov bildirib ki, özəl şirkətlərlə əldə olunmuş razılaşmaya əsasən sadəcə hazır məhsulun alışını öz üzərinə götürüblər.

Qeyd edək ki, “MKT İstehsalat Kommersiya” Məhdud Məsuliyyətli Cəmiyyəti, 2015-ci il mövsümü üzrə Cəmiyyətlə müqaviləsi olmayan pambıq istehsalçılarından (dünya bazarında mahlıcın mövcud qiymətləri nəzərə alınmaqla) xam-pambığın qəbulunu elan edir:


1-ci növ üzrə- 380 manat/ton

2-ci növ üzrə- 360 manat/ton

3-cü növ üzrə- 350 manat/ton

4-cü növ üzrə- 330 manat/ton

Qəbul edilən xam-pambığın dəyəri tərəflər arasında bağlanacaq müqavilə əsasında növlərə uyğun qiymətlərlə 1-3 gün ərzində ödəniləcək. Elanda göstərilənlərlə əlaqədar pambıq istehsalçılarından Cəmiyyətin yerlərdə olan filiallarına müraciət etmələri xahiş olunur.


“MKT İstehsalat Kommersiya” Məhdud Məsuliyyətli Cəmiyyətin pambıq qəbul məntəqələrinin siyahısı:

1. MKT İK MMC-nin MKT- Saatlı filialı

Ünvan: Saatlı rayonu, Sarcalar qəsəbəsi.

2. MKT İK MMC-nin MKT- Biləsuvar filialı

Ünvan: Biləsuvar rayonu, Zəhmət küç. 1

3. MKT İK MMC-nin MKT- İmişli filialı

Ünvan: İmişli şəhəri, R. Əliyev küç. 1

4. MKT İK MMC-nin MKT- Bərdə filialı

Ünvan: Bərdə şəhəri, Nizami 125

5. MKT İK MMC-nin MKT- Ağcabədi filialı

Ünvan: Ağcabədi şəhəri, M. Rəsulzadə 227

6. MKT İK MMC-nin MKT- Beyləqan filialı

Ünvan: Beyləqan rayonu, Daşburun qəsəbəsi.

Qaynar xətt: (012) 497-13-04

Ölkə.Az