Azərbaycanla Rusiya arasında əməkdaşlıq genişləndirilir

Kənd təsərrüfatı sahəsində əməkdaşlıq genişləndiriləcək

Moskvanın meri Sergey Sobyaninin başçılıq etdiyi nümayəndə heyətinin sentyabr ayının 25-də Bakıya səfəri zamanı Anlaşma Memorandumunun imzalanması gözlənilir.

Sənəd Azərbaycan istehsalçılarının və Rusiya paytaxtında fəaliyyət göstərən işgüzar dairələr arasında əməkdaşlığın gücləndirilməsinə xidmət edəcək, Rusiya mətbuatı yazır.

İmzalanacaq memorandum əsasən kənd təsərrüfatı sahəsində əməkdaşlığın genişləndirilməsini nəzərdə tutur.

Qeyd olunur ki, Azərbaycan və Moskva hökumətləri arasında əməkdaşlıq 13 iyun 1997 ildə imzalanan sazişə söykənir. Ötən ilin statistik göstəricilərinə (sənaye-energetika sahəsini nəzərə almadan) əsasən, Azərbaycan və Moskva arasında ticarət dövriyyəsi 500 mln. ABŞ dolları təşkil edib. Cari ilin I yarısında isə bu göstərici 140,6 mln. dollar təşkil edib.

Azərbaycan şirkətləri tərəfindən Moskva iqtisadiyyatına 144 mln. dolardan artıq investisiya yatırılıb./Apa-economics/

Ölkə.Az