“Bakı Metropoliteni”ndən 68 qəpik AÇIQLAMASI
Ötən il metropoliten ilə bir sərnişinin daşınması 68 qəpiyə başa gəlib.
"Ölkə.Az" xəbər verir ki, bunu AZƏRTAC-a müsahibəsində “Bakı Metropoliteni” QSC-nin sədr müvani Hidayət Məmmədov deyib.
O bildirib ki, yeni hesabatda bu rəqəmlər daha aydın görünəcək:
"Bir sərnişinin daşınması 2022-ci ildə 68 qəpik olub. Lakin qeyd edim ki, metropolitenin son iki il üçün maliyyə hesabatı müstəqil auditin yoxlamasındadır. Normativ tələblərə uyğun olaraq, bu rəy alındıqdan sonra hesabatlar dərc olunacaq, bir sərnişinin neçəyə və nə üçün qeyd edilən qiymətə başa gəldiyini hesabatda daha əyani görəcəksiniz".
