Azərbaycanlı milyarder Rusiyanın pulundan imtina etdi
Vahid Ələkbərov Rusiya hakimiyyətindən maddi yardım istəməyəcək
Ölkə.Az "RİA Novosti"yə istinadən xəbər verir ki, bu sözləri açıqlamasında "Lukoyl"un prezidenti Vahid Ələkbərov söyləyib.
O, qeyd edib ki dövlətin pulu ilk növbədə sosial ehtiyaclara sərf olunmalıdır.
“Moskvanın pulu mənə gərək deyil”- deyə Vahid Ələkbərov vurğulayıb.
Xatırladaq ki, Vahid Ələkbərov Rusiyada ilk neft konsernini yaradıb. O, 1993-ci ildən indiyədək "Lukoyl" şirkətinə prezidentlik edir. "Şərəf nişanı" və Dostluq ordenləri, "Qərbi Sibirin dərinliklərinin öyrənilməsi və neft-qaz kompleksinin inkişaf etdirilməsinə görə" medalı ilə təltif olunub, iqtisad elmləri doktorudur. O, dünyada rəsmən milyarder kimi tanınan yeganə azərbaycanlıdır.
Ələkbərovun sərvəti 11 milyard dollar həcmində qiymətləndirilir.
Rəşid Mustafazadə
Ölkə.Az
