Əsgərovlara bağlı şirkət kiçilir - Qazancı azalıb

Ötən ilin yekununda şirkətin cəmi xərcləri isə 2,6% azalaraq 19 mln 11 min manat təşkil edib.

Nəticədə, sığorta şirkəti 167 min manat vergi ödəməklə 2023-cü ili 667 min manat xalis mənfəətlə başa vurub.

Şirkətin cəmi aktivləri illik müqayisədə 1,4% azalaraq 31 mln 789 min manata, cəmi öhdəlikləri 2,2% azalaraq 16 mln 318 min manata enib. Nizamnamə kapitalı 14 mln 770 min manat olan “İpək Yolu Sığorta”nın cəmi kapitalı 0,5% azalaraq 15 mln 471 min manat olub.

Qeyd edək ki, “İpək Yolu Sığorta” ASC-nin səhmdarları daha əvvəl Cəmilə Cahangir qızı Əsgərova (38,74%), Məlahət Cahangir qızı Əsgərova (38,74%), “Silk Way Airlines” şirkəti (19,05%), “Azərbaycan Hava Yolları” QSC (3,47%) kimi göstərilirdi. Şirkətin 2022-ci il hesabatında səhmdarları 2 hüquqi şəxs göstərilsə də, şirkətlərin adları qeyd olunmur. Həmin şirkətlərin “Silk Way Airlines” və “Azərbaycan Hava Yolları” QSC olduğu güman edilir. Mətbuatda “Silk Way Airlines”ın daxil olduğu “Silk Way Holding”in “Azərbaycan Hava Yolları” QSC-nin sabiq prezidenti Cahangir Əsgərov və ailəsinə məxsus olduğu yazılır.

Könül
Ölkə.Az