Ən sürətli böyüyən iqtisadiyyatın adı açıqlandı

"Hindistan dünyanın ən sürətlə inkişaf edən iqtisadiyyatına çevrilib".

İqtisadiyyat.az xəbər verir ki, bu barədə Asiya ölkəsinin Baş naziri Narendra Modi bildirib.

Onun sözlərinə görə, ötən ilin aprel-sentyabr aylarında Hindistan 7,5%-lik artım ilə dünyanın ən sürətlə inkişaf edən iqtisadiyyatı olub.

Söhbət Hindistanın cari maliyyə ilinin ilk altı ayı üzrə iqtisadi artım tempindən gedir (1 aprel 2023-cü ildə başlayıb və 31 mart 2024-cü ildə bitir).