Bakının bu ərazisində mənzillər istiliksiz qalıb - SƏBƏB
Nəsimi rayonu, Hüseyn Seyidzadə küçəsində mənzillərin istilik təminatında problem yaranıb.
“Ölkə.Az”ın məlumatına görə, sakinlər istiliyin dünəndən etibarən kəsildiyini bildirirlər.
“Məsul şəxslərdən soruşaq, mənzilimizə gələn istiliyi kəsməklə, evləri buza döndərməklə, nə demək istəyirlər?”, - deyə sakinlərdən biri sosial şəbəkə hesabında paylaşım edib.
O bildirib ki, qaynar xəttə zəng vursa da, dəstəyi götürən olmayıb.
“Azəristiliktəchizat” ASC-nin mətbuat katibi Elvin Basqallı məsələ ilə bağlı “Ölkə.Az”ın sorğusunu cavablandırıb. O bildirib ki, magistral xəttə axıntı müəyyən edildiyindən təmir işləri aparılır:
“Ən yaxın saatlarda istilik bərpa olunacaq”, - deyə qurum nümayəndəsi əlavə edib.
Könül
Ölkə.Az
